Втората пратка на вакцините од Фајзер и Бионтек за Бугарија пристигна со авион на аеродромот во Софија, објави БГНЕС.
Втората серија содржи 25 илјади вакцини, изјави вчера министерот за здравство, проф. Костадин Ангелов, и веднаш по пристигнувањето на пратката во Бугарија, дозите ќе бидат распределени во Софија, Пловдив, Бургас, Велико Трново и Варна.
Првата пратка од 9.750 дози, што беше доволна да се вакцинираат околу 5.000 лица, беше доставена на 26 декември.
Вакцинацијата во Бугарија е бесплатна и целосно доброволна, а амбициите на здравствените власти се да вакцинираат околу 70% од населението.