Вонредните парламентарни избори на Косово ќе чинат околу шест милиони евра

Од:

Претставниците за буџетот на Косово и Централната изборна комисија (ЦИК) се согласија дека ќе бидат потребни околу шест милиони евра за одржување на предвремени парламентарни избори во Косово.

– Се очекува мислењето на Уставниот суд на Косово за надлежностите на Владата по оставката на премиерот, рече советникот на министерот за финансии, Љуљзим Рафуна.

Според него, средствата се обезбедени, но не може да се пренесат во ЦИК се до мислењето на Уставниот суд.

-Средствата не се проблем…Сите решенија се суспендирани се додека не се добие мислењето на Уставниот суд за надлежностите на Владата во случај кога премиерот поднесува оставка, рече Рафуна.

Претседателката на Централната изборна комисија Валдета Дака рече дека се уште тие официјално не се обратиле до Министерството за финансии за средства за предвремени парламентарни избори и дека ќе го сторат тоа кога претседателот на Косово ќе донесе указ за датумот на изборите.

Би можело да ве интересира

Пацоли: Територијалниот интегритет на Косово е недопирлив и ќе го признаете порано или подоцна

Бериша: Косово годинава нема да аплицира за прием во Интерпол

Харадинај: Тачи и Весели сакаа да ме скршат поради таксата на увозот од Србија

Коснет со критики до косовските партии поради лица со криминално минато во изборните листи

Тачи побара збратимување на Приштина и Токио

Ана Ололовска

Косово: 20 месеци затвор за лицето кое му се закани на Харадинај во име на ИД

Ана Ололовска