Вонредна седница на косовското Собрание поради најавеното поскапување на струјата

Од:

Собранието на Косово в понеделник, на 24 јануари, ќе одржи вонредна седница, на која ќе се расправа за најавите на Владата дека ќе ја поскапи електричната енергија, јави дописникот на МИА од Приштина.

dobivaj vesti na viber

Седницата ќе се одржи на барање на опозицијата, откако шефот на пратеничката група на Демократската партија на Косово, Абељард Тахири соопшти дека се собрани потребните 40 пратенички потписи за нејзино свикување.

Изминатите денови во Собранието се водеше жестока дебата околу намерата на Владата на Албин Курти да ги покачи цените на струјата за домаќинствата и бизнисите, со тоа што тие ќе бидат различни, зависно од нивото на потрошувачката. Според најавите, повисока тарифа ќе плаќаат граѓаните кои што трошат повеќе, при што како граница се споменува потрошувчката од 600 киловат-часови месечно за домаќинство.

Додека Курти се правда дека актуелната енергетска криза е резултат на веројатна корупција при приватизацијата во секторот и на грешките и недомаќинското работење на претходните влади, опозицијата му забележува дека тој требал да ја знае состојбата кога ги привлекуваше гласовите на граѓаните со ветување за поевтинување на струјата.

Меѓу обвинувањата за неспособност да ја води економијата на државата, на Владата на Курти опозицијата ѝ ги споменува увозот на струја по енормно високи цени, субвенциите за енергетскиот оператор и покривањето на долговите за струја, во висина од над 11 милиони евра, за граѓаните од српска националност во северно Косово.

Одржувањето на вонредната пленарна седница за в понеделник во 12 часот го потврди вечерва и собраниската служба за информирање, во чие соопштение се наведувува дека единствена точка на дневен ред на седницата е „Парламентарна дебата во врска со поскапувањето на електричната енергија“.

Извор: МИА

Би можело да ве интересира

Косово воведе нови санкции кон Русија и Белорусија

А1он

Саразин: Косово е срцето на Европа и местото му е во Советот на Европа

Грвала: Со зачленувањето на Косово во Советот на Европа добиваат сите и не губи никој

А1он

Стејт департмент: Србија и Косово сами избираат надворешно политички приоритети

Ана Ололовска

„Газета експрес“: Црногорскиот претседател на 18 мај во прва официјална посета на Косово

А1он

Коњуфца: Голем број држави го поддржуваат зачленувањето на Косово во Советот на Европа

А1он