ВИДЕО: Се разгоруваат немирите во Црна Гора, судири меѓу полицијата и демонстрантите и во Подгорица

Од:

Немирите во Црна Гора, кои започнаа во Будва, вечерва се проширија и во главниот град Подгорица, каде дојде до судир меѓу полицијата и приврзаниците на опозицијата, при што е употребен солзавец, а повеќе лица се приведени, јавуваат локалните медиуми.

Според полицијата, околу 20:00 часот демонстрантите, кои се собраа пред центарот за безбедност во Подгорица предизвикани од денешните драматични настани во Будва, фрлале со камења и други тврди предмети кој полицајците, по што било одлучено толпата да се разбие со солзавец.

Насобраните граѓани, кои извикуваат „Мило, крадецу“ се повлекле, а пред полициската станица се распоредени специјалци.

Меѓу уапсените се пратениците на опозицискиот Демократски фронт во црногорскиот парламент, Милун Зоговиќ и Марина Јочиќ, која до моментот на апсењето ја пренесувала атмосферата од случувањата во живо на социјалните мрежи.

По неколкунеделни тензии во Општина Будва, каде неодамна сменетиот градоначалник Марко Царевиќ и претседателот на Советот на општината Крсто Радовиќ ја обвинуваат власта на Мило Ѓукановиќ дека извршила упад во локалната власт и ја погазила волјата на гласачите, состојбата денеска ескалираше. Полицијата и опозициските демонстранти преку целиот ден се пресметуваа низ улиците на градот, а Царевиќ и Радовиќ беа повторно уапсени, откако полицијата ги приведе и минатата недела при слични протести.

Би можело да ве интересира

Нов земјотрес e регистриран во Црна Гора

Нов земјотрес ја погоди Црна Гора

Нов земјотрес во Црна Гора

Нов земјотрес во близина на Никшиќ

ВИДЕО: Први снимки од земјотресот во Црна Гора

30 последовни земјотреси регистрирани по главниот удар во Црна Гора

Катерина Ѓуровски