Турската полиција привела 18 лица во врска со вчерашниот напад со автомобил-бомба и огнено оружје, во кој во измир беа убиени две лица, а за кој Анкара нема сомнение дека е дело на борците на Курдската работничка партија (ПКК), изјави министерот за правда Бекир Боздаг, цитиран од британските медиуми.
Нападот со автомобил-бомба и пукањето пред судот во третиот по големина град во Турција, што се наоѓа на западниот егејски брег, дополнително го потенцира влошувањето на безбедноста во земјата откако вооружен маж во новогодишната ноќ уби 39 лица во ноќен клуб во Истанбул, забележуваат британските медиуми.