Во Тирана се одржа мирен протест против зголемување на цените

Од:

Повеќе стотици граѓани доцна попладнево се собраа пред Владата во Тирана за да протестираат во знак на незадоволство од зголемувањето на цените на основните производи како што се лебот, други прехранбени артикли, нафтата и гасот.

Граѓанскиот активист Адријатик Лапај за медиумите рече дека „не може да има молк пред неправдата и оти секој мора да протестира за своите права“.

– Мислам дека има потреба сите да се солидаризираат и сите да не замижуваат пред фактот да им се земе лебот од уста. Зголемувањето на цените директно води кон зголемување на проблемите на граѓаните. Следниот протест пред владата ќе го одржиме в понеделник во 17 часот, кога очекуваме поголема масовност, рече Лапај.

На протестот, кој траеше еден час, најчесто можеше да се видат транспаренти на кои пишуваше „Глад без ДДВ“ „Светлина без свеќа“ „Гориво без луксуз“.

Присутни беа и познати имиња од екраните, меѓу кои и комичарот Флор Бинај. Тој рече дека секој треба да го подигне гласот, бидејќи зголемувањето на цените влијае на сите.

Протестот беше претходно најавен на социјалните мрежи од граѓани и граѓански активисти.

Во врска со протестот, имаше реакција од Американската амбасада која ги повика своите граѓани да го избегнуваат движењето во тој дел на градот, наведувајќи дека организатор е опозициската Демократска партија, но подоцна ја смени објавата.

Би можело да ве интересира

Турската полиција заплени 1,5 тони марихуана, прошверцувана со чамец од Албанија

А1он

Македонски државјанин уапсен на албанско – косовската граница со 39 илјади евра и опрема за криптомонети

А1он

Вархеји: Доцнењето на евроинтеграцијата на Скопје и Тирана влијае на довербата на ЕУ во регионот

А1он

Протести во Вашингтон додека Врховниот суд ги слуша аргументите за случајот со кој се легализираше правото на абортус

А1он

ВИДЕО: Рама пречекан со тапани на пуштањето во употреба на „Патот на Арбр“ кој ги поврзува албанска Пешкопеја со Дебар

А1он

Протести ширум светот против Амазон

А1он