Според последните податоци, во соседна Србија регистрирани се нови 372 случаи на коронавирус во изминатите 24 часа.
Српските власти соопштија дека во изминатото деноноќие од вирусот починале седум лица, а тестирани се вкупно 9.653.
Во болниците моментно се наоѓа 4.501 лице, а на респиратори има 143 пациенти.
Од почетокот на пандемијата во земјата од коронавирус починале вкупно 558 лица, според официјалните податоци.