Во Србија поради ветер и снег без струја 25.220 граѓани, снежните наноси се 2 метри

Од:

Во Србија поради силен ветер и снег на повисоките места дошло до дефект на електричната мрежа при што без струја останале 25.220 жители. Снег паѓа цели 24 часа, пишува Нова.рс.

РТС јавува дека снежните наноси во некои делови, како во селата околу Нова Варош, достигнуваат и до два метри. Патиштата кон Копаоник се проодни.

Одделението за вонредни ситуации на МВР на Србија денеска соопшти дека 564 трафостаници се евидентирани без струја, поради што 25.000 корисници се без струја. На терен екипите за електродистрибуција ги отстрануваат дефектите, а припадниците на полицијата им помагаат на граѓаните и итните служби.

Хидрометеоролошкиот завод на Србија издаде предупредување дека до крајот на денот и утре бурниот северозападен ветер ќе создаде снежни наноси во планинските предели. Најголемата брзина на ветерот денеска ќе изнесува 70 км/ч, а утре претпладне и попладне се очекува брзина на ветерот од 55 км/ч.

Би можело да ве интересира

Пукање во Белград, повреденото момче не и кажува на полицијата кој го нападнал

Вработена во српското МВР издавала фалсификувани пасоши

Земјотрес во Крагуевац: „Добро се стресе“

ВИДЕО: 25 години од НАТО нападот на Србија

Катерина Ѓуровски

На млад фудбалер му била одземена платата бидејќи ставил „лајк“ на дуелот меѓу Русија и Србија во Москва

ВИДЕО: Зад прекинот на дуелот меѓу Србија и Русија стои човек кој мислеше дека ќе се збогати