Во последните 24 часа во соседна Србија регистрирани се 411 новозаразени со коронавирус, а девет лица починаа.
Во последното деноноќие биле тестирани 9.650 лица, додека од почетокот на пандемијата тестирани се вкупно 631.227. На респиратори се наоѓа 171 пациент, а вкупно околу 4.570 болни се хоспитализирани.
Починатите лица се со просечна возраст од 67,6 години за жени и од 68,6 години за мажи, додаваат српските медиуми. Досега од вирусот во Србија починаа вкупно 543 луѓе.