Во Србија четири нови смртни случаи, вкупно заразени 2.666 лица

Од:

Во Србија во изминативе 24 часа регистрирани се четири нови смртни случаи, со што вкупниот број на починати се зголеми на 65 лица, јави дописникот на МИА од Белград.

-Четирите починати се од машкиот пол, со што од досега починатите лица 48 се од машкиот пол и 17 се жени, со просечна страрост од 64,6 години, додека вкупната смртност во однос на заразените изнесува 2,43 отсто, изјави на денешната владина прес конференција членот на кризниот штаб, лекарката Дарија Кисиќ.

Во изминатите 24 часа, зголемен е и бројот на тестирани со 1.135 лица, од кои регистрирани се 219 нови позитивни случаи на заразната болест, со што вкупно заразени во Србија има 2.666 лица.

Досега вкупно се хоспитализирани 1.726 пациенти, од кои 112 лица се тешки случаи и ставени се на респиратор, кажа Кисиќ.

Вкупниот број на тестирни лица заклучно со денес во Србија изнесува 10.760 лица.

На Белградскиот саем кој има капацитет од 3.000 кревети досега се сместени 127 лица, на Новосадски саем со 1000 кревети има 48 пациенти и спортскатa сала Чаир во Ниш со 256 кревети има 171 пациент.

-Во Србија сега кога дојдовме до максимумот на епидемијата не доаѓа во предвид ублажување на мерките, кои нема вечно да траат. Максимумот ќе трае уште две недели, па потоа ќе видиме, изјави епидемиоплогот Предраг Кон на прес конференцијата, додавјќи дека тој лично е за „целосна забрана за контакти“ и дека ја подржал опцијата на владата за заострување на мерките во борбата со коронавирусот, кои ќе важат и за време на Велингденските празници.

Во српската Влада денес потврдија дека полицискиот час ќе биде продолжен и ќе важи од петок во 17 часот до 5 часот во понеделник, наместо досега- од сабота во 13 часот до понеделник во 5 часот наутро.

Би можело да ве интересира

Романскиот премиер и четворица министри парично казнети за неносење маски

Ана Ололовска

Од Ковид 19 во САД во следниот месец може да умрат уште 20.000 лица, смета Том Елиот поранешен директор на ЦДЦ

Ана Ололовска

СЗО: Зголемен бројот на заразени во Северна и Јужна Америка

Ана Ололовска

За четири дена 19 починати, 187 новозаразени и 1136 лица во изолација поради коронавирусот

Маја Илиевска-Пачемска

Преглед на состојбата со Ковид-19 во светот

А1он

Во Бугарија укинат карантинот за граѓаните од ЕУ, Србија и Македонија

А1он