Во септември албанскиот Парламент ќе носи измени на Законот за отворање на досиејата на ШИК

Од:

Албанските владејачки социјалисти најавија дека на почетокот на идниот месец ќе бидат донесени измени на законот за досиејата на тајната служба од комунистичкиот период.

dobivaj vesti na viber

Координаторот на пратеничката група Таулант Бала вели дека во септември ќе бидат одобрени сите измени за „ревидирање на сертификатот за чистота на личноста”, по големата дебата за досиејата на поранешната албанска тајна служба, ШИК.

– Собранието на Албанија на почетокот на новата сесија, по одморите, ќе се осврне на неприфатливата и апсурдна ситуација присутна повеќе од една година, кога претставник на партија( Сали Бериша) беше прогласен за нон грата од Соединетите Американски Држави и Обединетото Кралство а кој, како пратеник, продолжува да ја валка оваа институција со своето присуство и јазик, пишува Бала.

Уште наведува дека не може да им простат ниту на лицата нон грата, ниту на соработниците на ШИК.

Во меѓувреме дел од медиумите наведуваат дека освен поранешниот претседател Илир Мета меѓу соработниците на ШИК се и двајца поранешни претседатели на парламентот, министри и други високи личности од политичкиот живот.

Извор: МИА

Би можело да ве интересира

Рама: Прекинот на односите со Иран не е голема загуба за Албанија

А1он

Трговец со луѓе од Валона заработувал милион евра неделно: Разоткриена мрежа на албански шверцери

А1он

Мета: Одлуката за прогласување на Бериша „нон грата“ е дело на Баша и Рама

Ана Ололовска

Рама: Ништо не го менува ставот на Албанија дека Србија треба да го признае Косово

Ана Ололовска

Во Албанија инфлацијата во август изнесувала осум проценти

Ана Ололовска

Албанија почна со затворање на средните училишта поврзани со Фетулах Ѓулен

Ана Ололовска