Бугарија ја помина границата од илјада новозаразени со коронавирус за еден ден.
Тамошните здравствени власти објавија нов рекорд – 1.024 нови регистрирани случаи во последното деноноќие.
Со тоа позитивните резултати се нешто повеќе од 23 отсто од сите спроведени тестови кои изнесуваат 4.406.
Во последните 24 часа во државата се евидентирани 22 лица кои починале од Ковид-19, со што вкупниот број на починати сега изнесува 1.008, додека 210 се излекувани.
Поголемите градови најавија заострување на заштитните мерки и зголемена контрола врз населението, а бугарските власти размислуваат да воведат задолжително носење на маски и на отворено.