Во Подгорица се одржа нов протест против најавениот Темелен договор за уредување на односите со СПЦ

Од:

Пред зградата на Владата на Црна Гора синоќа повторно се одржа протест поради најавата на премиерот Дритан Абазовиќ дека Владата в четврток ќе се произнесе по Темелниот договор за уредување на правната рамка на односите со Српската православна Црква.

dobivaj vesti na viber

Учесниците на протестот, меѓу другото, порачаа дека таквиот текст на Темелниот договор е штетен за сите граѓани на Црна Гора, истовремено повикувајќи ја Владата „наместо митоманија, конечно да ја донесе европска иднина“.

Милош Ѓуричковиќ, член на Организацискиот одбор на протестот, рече дека „постојат индиции дека идната недела ќе биде изгласан капитулантскиот договор“.

Портпаролот на Либералната партија Амар Боранчиќ изјави дека смета оти со уривањето на владата на Здравко Кривокапиќ ја вратиле земјата во рамките на граѓанска и европска Црна Гора. „Договорот со Српската црква очигледно има за цел создавање држава во држава. Ако Владата не се откаже, прашање е до кога ќе потрае“, рече Боранчиќ.

Граѓанскиот активист Александар Зековиќ рече дека текстот на „таканаречениот Темелен договор” е штетен за сите граѓани, повикувајќи ги и Албанците да им се придружат во борбата.

Организаторите најавија повторно да се одржи протестен собир непосредно пред одржувањето на закажаната владина седница.

На протестот, меѓу другите, присуствуваа и пратеникот на Социјалдемократската партија (СДП) Драгиња Вуксановиќ Станковиќ и портпаролот на Социјалдемократите (СД) Никола Зиројевиќ.

Извор: МИА

Би можело да ве интересира

Комеморација за жртвите од масакрот во Цетиње

Кој е човекот кој го застрела убиецот од Цетиње: Бил суден за убиство, осомничен за тероризам

Полицијата преговара со Ненад Калуѓеровиќ да се предаде: Убиецот го ранил полицаец, па тој го докрајчил

Помрачување на умот-кај убиецот од Цетиње имало еден сомнителен детаљ

Предраг Петровиќ

Ненад Калуѓеровиќ го запре убиецот од Цетиње и спречи уште поголем масакр

Катерина Павлова-Николовска

Посетата на српскиот патријарх Порфириј на Црна гора одложена

Катерина Павлова-Николовска