Шефот на српската дипломатија Ивица Дачиќ изјави денеска дека во почетокот на октомври министрите за надворешни и внатрешни работи на државите од Европската унија и регионот би требало да имаат форум во Унгарија фокусиран на кризата со мигрантите и бегалците.
Дачиќ вели дека таква информација добил од министерот за надворешни работи на Луксембург, Жан Асеборн со кого разговарал во Мексико, јави Танјуг.
– Асеборн смета дека тоа е прашање број еден и најверојатно во почетокот на октомври ќе биде одржана заедничка конференција на министри за надворешни и на внатрешни работи во Унгарија со тие прашања на дневен ред. Учесници би биле државите членки од ЕУ и држави од нашиот регион погодени од кризата со мигрантите и бегалците, изјави Дачиќ.
Српскиот министер за надворешни работи учествува на Првата конференција на држави од Договорот за трговија со оружје (АТТ) што се одржува во Канкун во Мексико.