Против петмина службеници на хрватската Воена безбедносно-разузнавачка агенција (ВСОА), покренато е обвинение поради сомнение дека ја злоупотребиле положбата и овластувањата и украле 5,3 милиони куни од буџетот на Агенцијата, кои биле наменети за доушници.
Обвинителството ги товари петтемина дека од 2009 до јули 2012 година намерно го оштетиле буџетот на Хрватска.
Двајца меѓу нив се обвинети и дека во намера да го прикријат делото, наложиле и уништување службена документација.
Советот за национална безбедност утврдил дека повеќемилионскиот износ е систематски извлечен и дека не станува збор за нерационално трошење пари.