Во Хрватска протести поради насилството врз девојчињата и жените

Од:

Во Хрватска денеска се одржаа протести под мотото „Правда за девојчињата“ иницирани од групно силување во Задар и како правосудните органи постапуваа по случајот.

Демонстрантите испратија порака дека неказнувањето на злосторства всушност е злосторство и оти жртвите на насилство во Хрватска не добиваат адекватна заштита.

– Во судските процеси страдаат девојчиња и жени. Бараме итно преместување на судењето од Задар и да се обезбеди правично судење. Бараме во државниот буџет следната година да има доволно пари за советување за сите жени жртви на насилство. Бараме и конечно да се укине категоријата сексуален однос без согласност. Силување е силување, а силувањето е злосторство, беше истакната на протестот во Загреб, кој воедно беше и најмасовен.

Протести беа одржани и во Задар, Сплит, Осиек, Риека и во Пула.

Од август минатата година до јули годинава пет момчиња на возраст од 17 до 19 години повеќе пати групно силувале 15-годишно девојче. Тие и го снимале силувањето, а со снимките ја уценувале жртвата. Еден од насилниците и повеќе пати го претепал девојчето.

Хрватската јавност беше згрозена од насилството, но се разбесни кога осомничените против кои беше поднесена кривична пријава беа пуштени да се бранат од слобода.

Жупанискиот суд во Задар вчера ја прифати жалбата на Обвинителството и на петтемина им определил едномесечен притвор. Тие се обвинети за тешки казнени дела против сексуалната слобода, сексуален однос без согласност, блудни работи, закани, телесни повреди, искористување на деца за порнографија.

Би можело да ве интересира

Уапсена поранешна хрватска градоначалничка

А1он

Хрватска ги отвора границите, но не и за Македонија и Србија

Ана Ололовска

Јутарњи лист“: Хрватска ќе плаќа надомест за скратеното работно време

Ана Ололовска

Силно невреме во северниот дел на Хрватска

А1он

Поголемиот дел Хрватите бараат отворање на границите

А1он

ВИДЕО: Жестока тепачка на семафори во Загреб

А1он