Во изминатите 24 часа во Грција се регистрирани 41 нови случаи на Ковид-19, од кои 11 се по направените тестови на влезните точки во земјата.
Вкупниот број на заразени се зголеми на 3.772 лица, покажуваат податоците од Националната организација за јавно здравје.
Според грчките медиуми, од останатите 30 случаи, половината, односно 15 се исто така кај туристи, но кои по своја иницијатива се тестирале за време на нивниот престој во Грција.