Грција: Над 2.500 нови случаи и петмина починати, во земјата има 1.087 заразени со делта-сојот

Од:

Вкупниот број на потврдени нови случаи на Ковид-19 во Грција, за кои е одговорен делта-сојот на коронавирусот, се зголеми на 1.087, откако Националната организација за јавно здравје денеска јави за 219 новозаразени со овој сој.

Во однос на новите случаи, повторно се регистрирани над 2.500, односно 2.604 новозаразени, а починаа пет лица.

Професорката епидемиолог и член на надлежната комисија Вана Папаевангелу на денешната редовна прес конференција за ситуацијата со пандемијата во Грција рече дека во изминатата седмица во просек имало по 2.568 случаи дневно, а просечната возраст на новозаразените е 26 години.

Заменик-министерот за цивилна заштита на Грција Никос Хардаљас соопшти дека за невакцинираните вработени во угостителството и туризмот, задолжителни се два теста седмично, еден рапид и еден селф тест.

За ситуацијата на Миконос објасни дека нема нови кластери и со воведениот полициски час и забрана за музика во угостителските објекти делумно се спречило дополнителното ширење на коронавирусот.

Додаде дека во следните денови ќе биде соопштено дали мерките на островот што се во сила до понеделник наутро ќе бидат продолжени или прекинати.

Би можело да ве интересира

СЗО: На Африка ќе и недостигаат околу 500 милиони вакцини

А1он

Во Грција работат 1.500 центри за вакцинација со капацитет од 75.000 дневни вакцинации

А1он

Градот Брисел воведува ковид сертификат за собири и кафулиња

А1он

Владата на Зимбабве им порача на државните службеници: Нема вакцина, нема плата

А1он

Курц: Пандеммијата помина, освен за невакцинираните

Ана Ололовска

ВИДЕО: Антиваксерите во Љубљана ја гаѓаа полицијата со запалени факли, а таа возврати со солзавец и водени топови

А1он