Во Берлин одржан состанок меѓу преставници на Србија и Косово за железничко поврзување

Од:

Во Берлин е одржан состанок меѓу преставници на Србија и на Косово за обнова на железничкиот патнички и товарен сообраќај инициран од специјалниот пратеник на претседателот на САД, Ричард Гренел, за дијалогот меѓу Белград и Приштина, јави дописникот на МИА од Белград.

Српските медиуми пренесоа дека претставници на Белград и Приштина денес во Берлин повеќе од три часа разговарале само за комерцијални теми, бидејќи услов на Белград за продолжување на политичкиот дијалог, под покровителство на ЕУ, е укинување на косовските таксите за Србија и БиХ.

Косовското Министерство за инфраструктура соопшти дека првата средба во Берлин со белградските власти за воспоставување на железнички сообраќај протекнала во „конструктивна дебата“.

-Имавме добри разговори. Направивме напредок и се согласивме успешно да ги завршиме разговорите во наредните денови, изјави Џем Весељи, директор на Одделот за копнен транспорт во косовското Министерство за инфраструктура и транспорт.

Српската делегација, предводена од директорот на владината Канцеларија за Косово, Марко Ѓуриќ, беше составена од претставници на ресорното министерство и експерти од областа на железничкиот сообраќај.

Косово, според албанските медиуми, го претставувале Џем Весељи и Рам Купева, надлежен за патната инфраструктура.

Железничкиот сообраќај помеѓу Косово и Србија во прекин е повеќе од две децении.

Средбата била организирана со помош на Ричард Гренел, специјален претставник на Претседателството на САД за нормализирање на односите меѓу Белград-Приштина.

Гренел минатата недела за време на посетата на Белград и на Приштина најави постигнување на договор за железничко сообраќајно поврзување, откако во Берлин претходно е постигната согласнст за воведување на воздушен сообраќај меѓу Белград и Приштина.

Би можело да ве интересира

Нова жртва на коронавирусот во Косово, вкупно седуммина починати

А1он

Тачи го отфрли предлогот на Курти за составот на косовскиот тим за преговори со Србија

А1он

Ипсос: За време на епидемијата српските граѓани повеќе се пред ТВ, а македонските на интернет

А1он

Во Србија вкупно заразени 2.867 лица, досега починаа 66

А1он

Вулин: Војник испукал три истрели во воздух додека мигранти се обидувале да избегаат

Ана Ололовска

Курти планира два косовски тима за дијалогот со Србија

Ана Ололовска