Во Албанија родилка и бебе починаа од свински грип

Од:

Родилка со едно од нејзините близначиња починаа во Инфективната клиника во Тирана како поседица од вирусот АХ1Н1, познат како свински грип.

Жената на 36-годишна возраст била хоспитализирана неколку дена, по предвременото породување.

Едното од бебињата не е заразено од овој опасен вирус и според лекарите е во добра здравствена состојба.

По овој случај, раководителот на Одделот за инфективни болести при Институтот за јавно здравје, Силва Бино упати апел до сите бремени жени и ризични групи да се вакцинираат против грип.

– Таа беше на 36-годишна возраст, бремена и го загуби својот живот заедно со едно од новородените близначиња. Другото е во добра здравствена состојба. Гинеколози, лекари, медицински сестри, бремени жени се сметаат за ризични групи од грип. Апелирам да се вакцинираат за да се заштитат себе си и нивните рожби, порача таа.

Додаде дека и покрај тоа што нема зголемување на бројот на заболени од грип, останува загриженоста, па затоа потребна е имунизација.

– Морбилите продолжуваат да се шират низ земјата и кој ја одложил вакцината на неговото дете или не е вакциниран, веднаш тоа да го направи. Морбилите не го заобиколуваат никого и не разликуваат возрасна граница, посочи Бино.

Мајката и бебето се шеста, односно седма жртва од грип во Албанија, при што шестмина од пациентите биле заразени со вирусот АХ1Н1, односно свински грип.

Би можело да ве интересира

Баша: Туризмот најпогоден од пандемијата, 100.000 лица може да останат без работа

Ландов

Албанија ќе набави мали американски беспилотни летала

Ландов

Рекорден број новозаразени со коронавирус во Албанија, се вработува дополнителен медицински кадар

А1он

Мета побара од владата итна реакција за да се избегне катастрофа во албанската економија и семејствата

А1он

На „Блато“ запленети 370 килограми марихуана наменети за пазарот во земјава

А1он

ВИДЕО: Револтирани граѓани пред Инфективната клиника во Тирана бараат информации за нивните блиски

А1он