Во Албанија годинава регистрирани се 80 нови случаи на заразени со ХИВ вирус, од нив 61 маж и 19 жени.
– Меѓу заразените се и две деца. Едното болеста ја добило од мајката, додека другото, едногодишно, основано се сомневаме дека е заразено при добивање здравствена услуга. Случајот се уште се испитува, изјави Олимби Хоџај од здружението на лица со ХИВ/СИДА.
Според неа детето по третманот во педијатриското инфективно одделение префрлено е во болница во една соседна земја за поспецијализиран третман.
Како последица од заразата годинава починале 11 лица од нив 5 кај кои истата е дијагностицирана годинава, што, додава Хоџај, е показател за ненавременото дијагностицирање на болест.
– Многу набрзо преку нашите програми и Global Fund програмата ќе почне самотестирањето за ХИВ/СИДА. Ќе биде чекор за побрза дијагностика , зашто целата битка во овој аспект е навремената и брза дијагностика, со цел лекувањето на почне навреме и инфекцијата да биде под контрола, најави министерката за здравство Огерта Манастирлиу.
Додаде дека за сите лица заразени од овој вирус лекувањето е бесплатно.
На целата територија на земјата со ХИВ/СИДА се 1506 лица од нив 47 деца.
Извор: МИА