Снимка од инцидент во хрватското приморско гратче Цриквеница, која денес се прошири на социјалните мрежи, покажува како три жени се степале пред продавница околу тоа дали треба да се носат заштитни маски.
На снимката се гледа како една постара жена им замерува на две жени, кои со количка за бебе чекаат ред пред продавницата, дека не носат заштитни маски против ширењето на коронавирусот,, по што почнува вербална расправија која преоѓа во физичка пресметка.
„Ве молам да се оддалечите од мене и да држите дистанца. А, зошто немате маска?“ – прашува постарата госпоѓа, по што двете помлади жени почнуваат вербално да ја напаѓаат, а потоа и се обидуваат физички да се пресметаат со неа.