Црногорското граѓанско движење УРА побара од Агенцијата за национална безбедност и од полициската управа да ја проценат безбедноста на лидерот Дритан Абазовиќ и неговиот имот.
Во барањето до двете институции се изразува очекување да се направи детална проценка за загрозувањето на животот, менталниот интегритет, приватноста и личните права на Абазовиќ.
Лидерот на движењето УРА, Зоран Микиќ, изјави дека очекува институциите да реагираат имајќи ги во предвид зголемените тензии кои може да го загрозат животот на Абазовиќ.
На вчерашниот состанок на Демократската партија на социјалистите, чиј лидер е Мило Ѓукановиќ, беше потврдено дека партијата сака да ја продолжи коалицијата за формирање влада со некогашните партнери, меѓу кои и со движењето УРА на Абазовиќ.
Се претпоставува дека Ѓукановиќ веќе ја обезбедил поддршката од другите досегашни коалициски партнери, но без Абазовиќ немаат доволен број пратеници за да формираат влада.
Сепак, очекуваната поддршка од Абазовиќ не се случи, тој во гостувањето на Ал Џазеира остро го нападна Ѓукановиќ нарекувајќи го европскиот Лукашенко.
GAME OVER. pic.twitter.com/0fpSfs5lY1
— Stevanović Vladimir (@VladimirStev) September 3, 2020
Абазовиќ рече дека ова се последните обиди да се изврши притисок врз него со цел тој да го промени мислењето и одлуката да не коалицира со партијата на Мило Ѓукановиќ.
„Се е осудено на пропаст, се е готово, game over, европскиот Лукашенко пропадна“, додаде Абазовиќ.