(ВИДЕО) Вучиќ за Ројтерс: Србија има пријатели во САД, но и во Пекинг и Москва

Од:

Српскиот претседател Александар Вучиќ во интервју за Ројтерс зборуваше за актуелните теми околу геостратешките определби и меѓународните односи на Србија.

„Кога спроведувате политика која мора да ја води Србија, имајќи ја во предвид ситуацијата околу Косово и Метохија, секаквите притисоци со кои се соочуваме од сите страни и кога имате таква состојба со мала земја која се наоѓа на географска крстосница, тогаш мора да водите политика на мир и стабилност и да гледате да не се замерите, а кога веќе се замерувате тоа да биде подеднакво кон сите“, изјави Вучиќ за Ројтерс.

Тој во интервјуто рече дека српскиот и еврејскиот народ имаат иста судбина.

„Имаме искрени пријателски односи со еврејскиот народ, како и со Палестинците. Ние ќе го продолжиме таквиот однос“, рече тој.

Во однос на средбата со американскиот претседател во Белата куќа, Вучиќ изјави дека имал многу добар разговор со Трамп и очекува повторно да се сретне со него.

„Верувам дека Трамп ќе биде првиот претседател по Никсон што ќе ја посети Србија”, рече тој.

Вучиќ зборуваше и за проблемот на Србија во однос на одржувањето воени вежби со други држави.

Во интервјуто, тој ја опиша иднината на неговата земја која би вклучила баланс на односите меѓу истокот и западот, дури и ако тоа би значело „повремено лутење на двете страни“.

„Ние мора да ја заштитиме воената неутралност со тоа што ќе останеме сами. Каде и да се појавиме, пречиме. Со кого и да одржиме воена вежба, ние му пречиме на западот или на истокот. Супер, тогаш ќе вежбаме сами“, рече српскиот претседател.

Тој нагласи дека стратешкиот пат на Србија е патот кон ЕУ, но дека земјата има и други пријатели надвор од унијата од кои не треба да се срами.

„Србија се наоѓа на европски пат од кој ниту еден момент не се откажа, но Србија мора да живее. Србија има пријатели во САД, но има и во Пекинг и Москва“, заклучи тој.

Би можело да ве интересира

Вучиќ: „Се поблиску сме до голем светски конфликт“

(ВИДЕО) Вучиќ и Орбан одговараа на ТикТок: Ќебапи или гулаш

Катерина Ѓуровски

(ВИДЕО) Вучиќ: Од нас се бара признавање на Косово, санкции за Русија, Западот сака марионетски режим во Србија

Ковачевски: Одбележувањето на Свети Сава за нас и за нашата држава е порака за заедништво, почит и меѓусебна соработка

(ВИДЕО) Вучиќ од Скопје: Србите немаат поблизок народ од Македонците

Катерина Ѓуровски

Пендаровски: Врвен приоритет на македонската држава е негувањето на соживотот во нашето мултиетничко, мултијазично и мултирелигиско општество

Катерина Ѓуровски