(ВИДЕО) Вучиќ: Ситуацијата е критична, воведуваме полициски час од петок

Од:

„Денес е најтешкиот ден од почетокот на епидемијата, имаме 13 мртви, а во моментов имаме и над 120 лица на респиратори. Ситуацијата во Белград е алармантна“, рече српскиот претседател Александар Вучиќ на вонредна прес-конференција попладнево.

Од утре, забранети ќе бидат собири на повеќе од пет лица, на отворено и во затворен простор, а од петок, ќе стапи на сила полициски час, кој ќе заврши во понеделник.

Вучиќ рече дека во моментов во Србија има 4.000 хоспитализирани пациенти. Додаде дека ситуацијата во главниот град е критична и апелираше до граѓаните да „не бидат себични“, бидејќи сега е неопходно да се зачува здравствениот систем на Србија, па затоа ги повика да ги почитуваат заштитните мерки и да бидат дисциплинирани.

Тој соопшти дека секојдневно се тестираат околу 9.000 луѓе и додаде дека во овој момент државата располага со 376 слободни респиратори. Како негова грешка, ја посочи армијата која не била веднаш ангажирана во Нови Пазар, а во своето дејстување била мошне ефикасна.

„Војската го донесе потребниот мир и јас сум горд на начинот на кој луѓето се однесуваат кон нив,“ рече српскиот претседател.

Вучиќ соопшти дека службите мораат да го избегнат судирот меѓу вирусот и сезонскиот грип кој ќе следи во блиска иднина и најави дека околу два милиони лица ќе бидат вакцинирани против грип, а како групи ги наведе: медицинските работници, војската, административците, децата и сите лица со хронични заболувања.

На прес-конференцијата српскиот претседател апелираше на внимателност и укажа дека од 1 ноември се очекува најголемиот бран на вирусот.

Би можело да ве интересира

Вториот бран на пандемијата е посмртоносен во Африка

Жарко Настоски

Коронавирусот одзеде повеќе животи во САД отколку Втората светска војна

Ана Ололовска

Во Шангај евакуиран цел кварт по откривањето на три лица со коронавирус

Ана Ололовска

Во Португалија од утре и задутре се затвораат училиштата и универзитетите

Ана Ололовска

Германија размислува за затворање на внатрешните и надворешните граници поради Ковид-19

Ана Ололовска

Тест за коронавирус за сите Кинези кои ќе патуваат за Нова година

Ана Ололовска