Во Подгорица вечерва се одржува третиот протест на опозицијата, предводен од Демократската партија на социјалистите на Мило Ѓукановиќ, против Законот за претседател.
Протестот наречен „Не има“ почна пред зградата на црногорскиот Парламент.
Da je vječna Crna Gora! pic.twitter.com/Ch2AYT03OI
— Predrag Bošković (@pedjabosskovic) November 28, 2022
Граѓаните собрани пред Собранието носат транспаренти на кои пишува: „Почни да се грижиш затоа што и тебе те засега“, „Не те даваме Црна Горо“, „Со овие луѓе ти немаш ништо, одамна те продадоа“, „Не има! Не го даваме Уставот! Сакаме избори!“.
На собирот присуствуваат потпретседателите на ДПС Јевто Ераковиќ и Абаз Диздаревиќ, како и генералниот секретар на партијата Александар Богдановиќ.
🇲🇪🇲🇪🇲🇪 pic.twitter.com/4c1bEpl3la
— Margaux (@odbjeglamlada) November 28, 2022
Насобраните, покрај црногорски знамиња, носат и знамиња на САД, ЕУ и Украина.
Тие бараат повлекување на, како што велат, „срамните измени на Законот за претседател“, кои, сметаат, претставуваат своевиден уставен удар.
Исто така, бараат деблокирање на државните институции и распишување вонредни парламентарни избори.