На српскиот министер за градежништво, транспорт и инфраструктура, Томислав Момировиќ денес му се слоши на градилиште, по што итно беше опериран во болницата во Ужице.
Момировиќ имал напад на слепо црево, кое било пред пукање, а околу 14 часот бил примен на хируршкото одделение на болницата во Ужице, по што е итно опериран и сега закрепнува.
За време на обиколката на работите, Момировиќ беше видно блед, што може да се види и на снимката што ја направи локалната Телевизија Пожега.
Министерот се пожалил на неподносливи болки во пределот на стомакот и слабост, но не ги прекина работните обврски, туку ја продолжи посетата на регионот.
Момировиќ денеска беше во посета на работите на тунелот Лаз, на трасата на идниот автопат од Прељина до Пожега.