На северот на Косово ескалира тензијата при обидот за преземање на зградите на органите на локалната власт. Приштина испрати силна полиција. Србите со тела ги бранат општините јавуваат српските медиуми.
Полицијата била испратена во Лепосавиќ, Зубин Поток, Звечан и Косовска Митровица.
Zvečan trenutno! https://t.co/iJjdVFTDXu
— Šer wood (@ser_wood) May 26, 2023
Според медиумите, полицијата фрлила солзавец кон насобраните Срби, а се слушнале и детонации, најверојатно од шок бомби. Меѓу насобраните Срби има и повредени се вели во извештаите на српските медиуми.
Се започна кога повеќе од десетина припадници на косовската специјална полиција со џипови пристигнаа во зградите на локалната самоуправа во Лепосавиќ, Зубин Поток и Звечан.
Српскиот претседател Александар Вучиќ денеска издаде наредба за подигање на борбената готовност на српските вооружени сили на највисоко ниво.
Вучиќ потпишаа наредба за подигање на борбената готовност на единиците на Војската на Србија на највисоко ниво и им нареди да се движат во правец на административната линија со Косово.