ВИДЕО: Протести во Хрватска на првиот ден од стартот на обврската за ковид сетрификат за вработените во државните институции

Од:

Сертификатите за Ковид кои докажуваат дека некој е вакциниран, дека прележал од Ковид-19 или е негативен од полноќ станува задолжителни во Хрватска за влез во јавни и државни институции.

Дигиталниот сертификат на ЕУ ќе треба да го презентираат сите вработени во јавниот и државниот сектор, како и оние во локалните власти, а за оние кои не биле вакцинирани или прележале Ковид, се воведува мерка задолжително тестирање за коронавирус.

Сертификациите за Ковид се воведуваат и во училиштата, но само за вработените.

Ваквата регулатива уште рано утрово предизвика протести на дел од вработените во државната администрација и јавните иснтитуции. Како што јавуваат хрватските медиуми, протести има пред полициските станици во неколку градови.

Потврдите не се однесуваат на студенти во просториите на високообразовните установи, освен ако високообразовната установа не одлучи поинаку, ученици во училиштата и образовните установи, на возраст под 16 години. Вработените кои не прележале од Ковид или не биле вакцинирани ќе мора да се тестираат двапати неделно, така што се отворени повеќе од 6.500 места за тестирање, вклучително и во канцелариите за примарната здравствена заштита и аптеките. Одлуката за воведување задолжителни потврди за коронавирус за влез во јавните и државните институции е донесена во екот на четвртиот бран на пандемијата и нема ограничен рок, а издадена е и препорака до приватните работодавачи да спроведат слични мерки.

Воведувањето на задолжителните потврди беше закажано за вчера, но беше одложено за еден ден за во вторник сите заинтересирани да бидат тестирани и да имаат потврди за Ковид.

Новата мерка во борбата против пандемијата на коронавирус беше критикувана од опозицијата која ја оцени како поделба на граѓани од прв и втор ред.

Би можело да ве интересира

Србија ги укина сите рестриктивни мерки, нема веќе ограничувања за влез во Хрватска

Катерина Павлова-Николовска

Во Хрватска потврден индискиот сој коронавирус

Хрватска до 1 мај ќе има еден милион дози од вакцините против Ковид-19