ВИДЕО: Приврзаници на ГЕРБ одржаа мирен протест пред зградата на бугарската Влада

Од:

Пред зградата на бугарската Влада денеска се одржа мирен протест за одбрана на лидерот на најголемата опозициска партија во земјата-ГЕРБ, јави дописникот на МИА од Софија.

dobivaj vesti na viber

На приврзаниците на ГЕРБ им се придружија и пратениците од пратеничката група на оваа партија, кои побараа предвремени избори во Бугарија, оставка на владата, но главното барање им е итно ослободување на Бојко Борисов од притвор.

Локалните медиуми забележаа дека ова е прв протест на партијата откако е во опозиција.

Сообраќајот во реонот на бугарската Влада беше блокиран, а имаше зголемено полициско обезбедување.

Пред пладне протестот се пресели пред зградата на МВР.

Како што потсетува дописникот на МИА од Софија, лидерот на ГЕРБ и долгогодишен бугарски премиер Бојко Борисов вчеравечер беше приведен на 24 часа, заедно со поранешниот министер за финансии Владислав Горанов и владината Пи-Ар соработничка, Севдалина Арнаудова, поради злоупотреби во користењето на европските фондови и средства.

Борисов ноќта ја мина во Генералниот директорат на Националната полиција на Бугарија, а денеска треба да биде сослушан.

Извор: МИА

Би можело да ве интересира

Пет години откако Заев и Борисов се изгушкаа по потпишувањето на Договорот за добрососедство

Орце Костов

ГЕРБ го врати мандатот за формирање нова бугарска Влада

Борисов: Да го финализираме францускиот предлог за Македонија

Орце Костов

Бојко Борисов достави до Собранието предлог за кревање на ветото за Македонија

Орце Костов

ВИДЕО: Полноќна тепачка пред куќата на Бојко Борисов поради Македонија

ВИДЕО: Кукавицата и лажго Петков ќе има поддршка од 59 пратеници на ГЕРБ за францускиот предлог, најави Бојко Борисов

Орце Костов