Група црногорски граѓани, кои се претставуваа како загрижени верници, денеска одржаа протест и предизвикаа инцидент во Цетинскиот манастир, поради, како што велат, работите што ги презеле црковните старешини за изградба на тоалети за гостите кои доаѓаат во манастирот. На протестот му претходеа објави на некои црногорски медиуми дека манастирот се уништува.
До тензиите дојде кога групата луѓе сакаше да влезе низ портата на манастирот, но беше спречена од полицијата и дел од свештениците. Раководството на манастирот вели дека не се градат нови тоалети, туку се реновираат санитарните јазли, поставени пред 40 години.
Погледајте само тај безобразлук испред манастира pic.twitter.com/C666gNCIwL
— nesmiritus_hiperactivus (@hiperactivus) June 17, 2021
Насобраните граѓани бараат работите да се запрат додека институциите не се изјаснат дали смее да се изведуваат градежни активности во манастирот и додека не се објави дали за тоа има дозвола. Според демонстрантите, црквата нема дозвола и самоиницијативно ги изведува работите. Протестот, кој се одвивал мирно, ескалирал кога монасите се обиделе да ја затворат манастирската порта, на што реагирале собраните верници.
Cetinje.. pic.twitter.com/emxWydtGiP
— Nosioc Spomenika (@kismahala) June 17, 2021
Пред манастирот попладнево се појави и градоначалникот на Цетиње, Александар Кашќелан, во обид да ги смири тензиите.