ВИДЕО: Невреме во Хрватска, уништени покриви, откорнати стебла и искршени прозорци

Од:

Во текот на денот, во Истра имаше локални врнежи, но попладнето се разви невреме кое го зафати и поширокото подрачје на Ријека. Епилог од невремето беа откорнати стебла и уништени покриви.

За ова подрачје денеска беше издадено портокалово предупредување.

„Бидете подготвени за посилни грмежи кои можат да предизвикаат голема штета и да се заштитите од грмотевиците. Можно е оштетување на имотот и дрвјата. Можни се поројни поплави, силни ветрови и град, како и прекини во морскиот сообраќај“, соопштија надлежните.

Покрај Истра, неповолно време ги зафати и Карловац и Дуга Реса, каде падна град со големина на орев. Исто така, оштетен е и дел од зградата на градското собрание, чиј покрив беше срушен од ветрот.

Пожарникарите и полицијата се на местото на настанот, а засега нема информации за повредени.

Во Карловац паѓаше силен дожд и град, а некои жители известуваат дека градот им ги искршил прозорците, пренесува „Индекс“.

Би можело да ве интересира

204 нови случаи на коронавирус во Хрватска

Ана Ололовска

Сеизмолог: Во Загреб е можен земјотрес 30 пати посилен од оној во март

Ана Ололовска

Хрватска го намалува траењето на карантинот од 14 на десет дена

А1он

Волстрит журнал: Хрватска со отворањето на туристичката сезона стана случај кој опоменува

А1он

Земјотрес во Далмација

Ана Ололовска

Едномесечен притвор за десетмина од аферата Јанаф

Ана Ололовска