Не знам што сме им згрешиле на Бугарите, реагираше српскиот претседател Александар Вучиќ на вчерашната одлука на осум држави да не ѝ дозволат на Србија да го отвори третиот кластер од преговорите со Европската Унија.
На вчерашната седница против беа Естонија, Летонија, Литванија, Шведска, Финска и Холандија, како и Хрватска и Бугарија.
„Да ме праша Господ што им згрешивме на Бугарите, немаш да знам како да кажам и објаснам, ми се чини дека разбирам кои се вистинските причини, без разлика што никогаш нема да ги слушнете. А за Хрватите сè разбирам, немам голем проблем да разберам, а за нас има две важни вести да продолжиме да се бориме и да разговараме со сите нив“, вели Вучиќ.
Исклучително позитивно е, посочува, што Германија е апсолутно за отворање на кластерот три, додека Франција и Италија беа и остануваат за тоа.
„Им благодариме ако ни го отворат тој кластер три. Благодариме дури и ако не го сторат тоа. Нема проблем. Следната година ќе се стремиме да бидеме најбрзо растечката економија во цела Европа“, рече претседателот на Србија.