Полицијата во Сплит го уапси мажот кој брутално претепа две жени. По него се трагаше од утрово кога се случија нападите.
Првиот напад бил над 52-годишната Невенка Маргета чиј сопруг објави снимка од надзорна камера нудејќи 1000 куни награда за идентитетот на напаѓачот. Нешто подоцна полицијата соопшти дека е откриен идентитетот на човекот.
Нападот се случил нешто по 7 часот утрово кога жената отворала угостителски објект.
„Прво и побара чаша вода, потоа ја удри со шише и кога таа падна, ја удираше со раце и со нозе“ – сведочи сопругот.
И двете снимки кои се појавија сведочат за бруталноста на нападите.
Од полицијата засега нема детали за апсењето, но хрватските медиуми пишуваат дека се обидел да бега, а од најголема помош биле полициските кучиња трагачи.