Над 150 деца од градинка во градот Власотинце во јужна Србија биле евакуирани попладнево откако во објектот на установата „Милка Диманиќ“ избил голем пожар, јавуваат локалните медиуми.
Пожарот го зафатил горниот кат од зградата во која се наоѓа градинката, а интервенирале десетици пожарникари, кои попладнето со часови се бореа да го локализираат огнот и да го спречат да се прошири на околните згради. Граѓани, родители и вработени во околните продавници помогнале да се евакуираат децата.
Градинката се наоѓа во центарот на Власотинце, град со околу 16.000 жители, блиску до општината и полициската станица.
„Воспитачките беа присебни, веднаш ги изведоа децата, никој не е повреден. Пожарникарите дојдоа за пет минути и го гасат пожарот,“ изјави директорката на градинката, Снежана Филиповиќ.