ВИДЕО: Експретседателот на Грузија Саaкашвили нападнат со тупаници во Атина

Од:

Поранешниот претседател на Грузија, Михаил Саакашвили, попладнево бил нападнат со тупаници од непознат човек во Атина, каде политичарот требало да се сретне со претставници на грузиски здруженија во Грција.

Саакашвили, опкружен со свои приврзаници, се подготвувал да одржи говор пред просториите на грузиска асоцијација, кога еден млад човек се издвоил од толпата и почнал да го удира политичарот повеќепати по главата и лицето.

На снимката од инцидентот се гледа како луѓето присутни на собирот се обидуваат да го оттргнат напаѓачот, пред да интервенираат грчките полициски специјалци, кои употребуваат и спреј со солзавец за да ја разбијат вознемирената толпа и да ја смират ситуацијата.

Саакашвили подоцна преку Фејсбук ги обвини своите противници во Грузија дека го организирале нападот, кој го извршиле „неколкумина со маски, кои подло се прикрадоа“.

Контроверзниот грузиски и украински политичар, кој беше претседател на Грузија во два мандата меѓу 2004 и 2013 година, неодамна најави дека е можно да се врати во Грузија, затоа што му било понудено местото премиер на преодната влада. Не се знае како Саакашвили планира да се врати во земјата, со оглед на тоа дека му е одземено државјанството, а тој е веќе осуден на затвор за корупција и проневери и баран во Грузија за други дела.

Би можело да ве интересира

Во Грција тројца полицајци починаа од Ковид-19, а заразени се над 400

Ана Ололовска

Кикиљас: Вакцините се ефикасни и безбедни

Ана Ололовска

Карантинот во Грција продолжен до 14 декември

Ана Ололовска

Мицотакис: Со правилни мерки, ќе успееме да се справиме и со вториот бран од пандемијата

Ана Ололовска

Дендиас и Захариева разговарале за ЕУ перспективата на Западен Балкан

Ана Ололовска

Земјотрес од 4.4 степени во близина на Атина

Ана Ололовска