ВИДЕО: Екипата на српскиот мафијаш Веља Неволја секогаш на ист начин мамела жртви во куќата на стравот од каде никогаш не излегле

Од:

Криминалната организација на Вељко Беливук, познат како Веља Неволја, имала подмолен Modus operandi секогаш кога некој ќе им се замерел – жртвата ќе ја привлече на состанок преку пријател, а потоа ќе ја однесе на тајна локација каде ќе и се изгуби секаква трага, пишуваат белградските медиуми.

Дури 13 мажи исчезнале минатата година во Белград, а како што сега се сомнева, зад сите овие исчезнувања стои екипата на Веља Неволја. За жал, сите докази сугерираат дека исчезнатите повеќе не се живи и дека биле убиени на најмонструозни начини. Она што сега е јасно е дека суровата криминална група на Веља Неволја секојпат им приогала на жртвите на ист начин.

Организирање состанок преку „пријатели“

Секогаш кога тимот на Беливук влегувал во конфликт со некого и одлучувал дека е време да биде „тргнат“, тоа го правеле на ист начин. Првиот чекор секогаш бил да ја намамат жртвата да оди на состанок и да не кажува никому за тоа. Со цел да се спроведе ова најлесно, без жртвата да пријави во полиција или да донесе помош, тие секогаш ја постигнувале целта преку пријатели. Некој од тимот на Беливук, кој ја познавал жртвата, би ја поканил таа личност на таен, „многу важен“ состанок. Упатствата биле исти: „оставете го вашиот мобилен телефон дома за да не нè пресретнат, дојдете со такси на договорената локација“…

Еден од кодовите за состанокот бил „Одам да разгледувам (или купам) автомобил“. Неколку семејства на исчезнатите млади момчиња и рекле на полицијата дека го оставиле телефонот дома пред исчезнувањето и рекле дека одат со пријател да го погледнат автомобил. Никогаш не се вратиле од тие состаноци…

Милан Љепоја и ја кажал на сопругата истата реченица, влегол во такси, го оставил приватниот телефон дома и со себе го зел само таканаречениот специјален, мобилен уред за комуникација со мал број луѓе. Неколку часа подоцна на телефонот што го имал со себе станал недостапен.

Семејството и пријателите слично го опишаа исчезнувањето на Јово Кецман, белградски фитнес тренер чија трага е изгубена во Мали Мокри Луг. Кецман, како и Љепоја, го оставил својот мобилен телефон дома, според упатствата на организаторот на состанокот, за да не може да се лоцира преку базната станица.

Место за средба

Жртвата најмногу доаѓала на состанокот со такси, а тоа биле претежно локации како Баново Брдо и Нов Белград, паркиралишта на кои еден од членовите на тимот на Беливук би дошол со друго возило да ја земе жртвата. Не знаејќи за ништо, жртвата ќе влезела во возилото и одела на тајна локација каде „може да зборуваат во мир“. Некои, како Милан Љепоја сами, со своите автомобили доаѓале во викендицата во Ритопек на состанок, не сфаќајќи дека нема да ја напуштат оваа куќа жива…

Откако е откриена „куќата на ужасите“ на Беливук, припадници на жандармеријата пребаруваат таму, чешлајќи го секој сантиметар од теренот во потрага по траги и докази дека таму биле извршени најлошите злосторства. Нуркачите ја пребаруваат реката, трагаат и кучиња, форензичари ги проверуваат сите можни докази. Според досега познатите информации, пронајдени се бројни биолошки и материјални траги кои потврдуваат дека во оваа куќа се случувале најлошите работи, објавуваат српските медиуми.

Би можело да ве интересира

Обвинителството бара 221 година затвор за дилерите на Беливук

Валканите тактики на кланот на Беливук: Ги откажуваат адвокатите пред сведочењето на единствената преживеана жртва

Беливук: Уште еден член на групата ќе стане обвинет-соработник на обвинителството

Првата жртва на кланот на Беливук беше брутално убиена пред точно 4 години

Ана Ололовска

Куќа на ужасот: Прегледани 1000 морничави слики од куќата на Беливук во Ритопек

А1он

Беливук сонуваше да биде Легија вели човекот кој го уништи Земунскиот клан

Горан Наумовски