Несекојдневен инцидент се случи попладнево во зградата на Претседателството на Србија, каде се одвиваше седница посветена на изборот на новата влада.
Една девојка се качи на еден од прозорците во зградата и, фатена за металната ограда, околу еден час одбиваше да се симне пред полицајците кои дојдоа да интервенираат.
Засега не е позната причината за постапката на девојката, која по долго убедување и расправии со органите на редот, самата скокнала од прозорецот и се стрчала кон блискиот споменик на Иво Андриќ. Таму, полицајците и обезбедувањето ја стигнале и разговарале со неа, според српските медиуми.