ВИДЕО: Дете на спуштено задно седиште со отворен багажник, возачот ита 90 километри на час

Од:

Снимка направена на патот меѓу црногорскиот главен град Подгорица и Никшиќ, на која се гледа како дете се вози на спуштеното задно седиште од автомобил, со отворена врата од багажникот, се појави на социјалните мрежи. Опасната егзибиција на возачот, кој ита со 90 километри на час, наиде на широка осуда.

„На патот Подгорица-Никшиќ, дете од некои 10-11 години седи на некои плочи, отворен багажник и тој некогаш се држи, некогаш не… Многу неодговорно од луѓето (можеби родителите) кои го возат!!! А брзината ја гледате…“, пишува Инстаграм-страницата „Подгорички времеплов,“ која го објави видеото.

Граѓаните во Црна Гора, но и ширум Балканот, каде снимката стана вирална, коментираат дека не е потребно да се објаснува колкава е опасноста, особено при толкава брзина, кога најмало кочење или скршнување може да го исфрли детето на асфалтот, меѓу забрзаните автомобили.

Корисниците на социјалните мрежи бараат казна за неодговорниот возач на „Голф 5-ка“ со подгорички регистарски таблички. Случајот е пријавен во сообраќајната полиција, но засега нема информации за исходот од пријавата.

Би можело да ве интересира

Абазовиќ: Очекувам новата црногорска влада да биде формирана до осми ноември

А1он

Црногорски медиуми: Амфилохије се лечи со ремдесивир, лекот не е достапен за останатите заразени

Ана Ололовска

Црна Гора: Се затвораат угостителски објекти во уште пет градови

Ана Ололовска

„Вијести“: Црна Гора може да добие до 500 милиони евра од ЕУ

Ана Ололовска

Здравко Кривокапиќ: Корупцијата во Црна Гора изеде неколку клиники за инфективни болести

Ана Ололовска

Абазовиќ: Јас немам полициска заштита, но сум под нивен надзор

А1он