Пратениците на новото парламентарно мнозинство во Црна Гора дадоа поддршка за лидерот на коалицијата „За иднината на Црна Гора“, Здравко Кривокапиќ кој треба да биде новиот мандатар за состав на новата Влада на Црна Гора.
Svi poslanici nove parlamentarne većine podržali su profesora @ZdravkoKrivokcg za mandatara za sastav nove Vlade Crne Gore. pic.twitter.com/8nUwBWXnAa
— Građanski pokret URA (@pokretura) September 23, 2020
Од граѓанското движење УРА објавија фотографија на Твитер од документот со потписите на 27 пратеници на коалицијата „За иднината на Црна Гора“, 10 пратеници на коалицијата „Мир е нашата нација“ и четири пратеници на коалицијата „Црно на бело“, со барање до претседателот на државата Мило Ѓукановиќ да го предложи Кривокапиќ за нов мандатар.
Обраћање Здравка Кривокапића на паузи заседања Скупштине Црне Горе
Обраћање Здравка Кривокапића на паузи заседања Скупштине Црне Горе
Posted by Sputnik Србијa on Среда, 23 септември 2020
Претходно, од Демократскиот фронт предложија лидерот на коалицијата „Мир е нашата нација“, Алекс Бечиќ да биде претседател на Собранието, а Кривокапиќ мандатар на идната црногорска Влада.
„Првиот принцип на делување на новата Влада ќе биде организирање на државата – нема да се одмаздуваме и ничиј интерес нема да е важен освен интересот на граѓаните. Денес сум толку среќен што се обидувам да не пуштам солза“, напиша Кривокапиќ на Твитер.