Специјални единици на косовската полиција утрово се распоредени на два административни премини на северот на Косово. Косовските власти почнаа да ја реализираат мерката за одезмање на регистарските таблички од северно Косово и замената на табличките од централна Србија со пробни ознаки и наплаќање такса.
Ова беше најавено од косовските власти доцна синоќа. Во документот кој го објавија косовските медиуми стои дека специјалните сили се распоредени за да ги одземаат српските таблички. Во документот уште стои и дека сите со српски таблички мора да земат пробни и да платат такса од пет евра.
Србите од северот на Косово блокираат еден од премините, сообраќајот е во прекин во двата правци.