На автопатот Загреб-Риека помеѓу Врбовска и Рамна Гора авионот од типот „цесна 150 М“ слета сред сообраќајна лента.
Возачите на автопатот го снимија моментот на принудното слетување.
-Почна да кружи над нас, се спушти многу ниско, но и понатаму мислевме дека е тоа нормално, тогаш сфативме, па тој навистина тука ќе слета!Малку се изврте по средината на патот додека со десното крило не ја погоди оградата и застана во лентата за застанување. Од авионот излегоа маж и жена преплашени – велат очевидци.
Од Хрватскиот автоклуб информираат дека според првичните информации нема повредени во инцидентот, за кој известуваат како за сообраќајна несреќа во правец на Риека, поради што се вози во една сообраќајна лента.
Засега нема информации за околностите зошто авионот, кој има мало оштетување на „носот“, мораше принудно да слета.