Противниците на епидемиолошките мерки и вакцинацијата во Словенија во петокот вечерта упаднаа во просториите на РТВ Словенија и во студиото за информативна програма.
Vdor proticepilcev v dnevniški studio. #napadnartv pic.twitter.com/PpHLwyrYdo
— Barbara Vidmajer (@bvidmajer) September 3, 2021
Демонстрантите со недели се собираат пред зградата на јавниот сервис, протестирајќи против се што има врска со пандемијата на коронавирус, пишува хрватски „Дневник“.
Под водство на Ладислав Троха, водач на движењето ОПС, спротиставувајќи се на мерките за ограничување на ширењето на вирусот, демонстрантите вчера вечер околу 20:30 часот упаднаа во РТВ Словенија. Тие делеа летоци со нивните барања.
Новинарката Барбара Видмајер објави видео од инцидентот на Твитер, а движењето го прикажа упадот во просториите на јавната телевизија на својот профил на Фејсбук.
Полицијата интервенираше отстранувајќи 20-на демонстранти кои не носеа заштитни маски, објави РТВ Словенија.
Против прекршителите ќе се преземат мерки во согласност со законот, извести словенечката полиција.
Генералниот директор на РТВ Словенија Андреј Грах Ватмоу рече: „Тоа е тежок напад врз нашата куќа и јавните медиуми, што најостро го осудуваме“.