ВИДЕО: Англискиот јазик на бугарската министерка за туризам стана хит и потсмев кај јавноста

Од:

Татјана Кристи живее во Сан Франциско, Калифорнија, а родена е во Варна Бугарија. Видеата кои таа ги објавува на Фејсбук достигнуваат и над 10 илјади гледања, имаат повеќе од 3 илјади коментари, а се реобјавувани илјадници пати од корисниците на социјалните мрежи.

Има и зошто – Кристи својот профил на Фејсбук буквално го има претворено во сатирична веб-страна за бугарската министерка за туризам, Маријана Николова, која го нема совладано добро англискиот јазик.

Кристи објавува видеа на кои зборува на лош англиски јазик, а многумина кои не се запознаени со бугарската политика и владините министри, навистина мислат дека станува збор за бугарската министерка Николова.

Кристи пред неколку дена мораше да објаснува пред јавноста дека таа не е министерка, туку дека едноставно сака да посочи дека високите функционери мораат да научат англиски јазик.

Во еден наврат, Кристи како своја профил-фотографија на Фејсбук ја постави фотографијата од министерката Николова, на која пишува „Останете дома, научете англиски, стоп за Ковид-19“.

На едно од нејзините најгледани видеа, таа реагира дека „луѓето ја озборувале бидејќи не зборува добро англиски“.

„Јас имам сертификати и зборувам добро англиски, вие не зборувате, затоа не ме разбирате“, вели Кристи на англиски јазик во кој вметнува и италијански и бугарски зборови.

Инаку, министерката за туризам на Бугарија Маријана Николова редовно е предмет на потсмев во бугарските медиуми и на социјалните мрежи, откако зборува на англиски јазик на меѓународни настани.

Би можело да ве интересира

Анкета на Галуп за изборите во Бугарија: Резултатот изгледа се повеќе непредвидлив

Ана Ололовска

Партиите на Трифонов и Борисов со изедначени шанси за прво место на парламентарните избори во Бугарија

Ана Ололовска

Бугарскиот патријарх Неофит примен во болница во Софија

Ана Ололовска

Еврокомесарката Стела Киријакиду во посета на Бугарија

Ана Ололовска

Студија: Речиси една петтина Бугари плаќале за поткуп за здравствена услуга

Ана Ололовска

Над 9.000 странски туристи во април ја посетиле Македонија, Турците и Србите најбројни

Жарко Настоски