(ВИДЕО) Абазовиќ во црногорскиот парламент: Нема место за реваншизам, само за правдата и за вистината

Од:

„Не треба да ја продолжиме политиката на кавги. Нема место за реваншизмот, има место за правдата, вистината, Уставот и законот,“ рече денеска во црногорскиот парламент Дритан Абазовиќ, лидерот на движењето Црно на бело, кое ќе биде дел од новата владејачка коалиција во земјата.

На денешната седница на парламентот беше постигната согласност кај мнозинството околу изборот на Алекса Бечиќ за нов спикер, со што се отвори простор за формирање на новата влада, за која, според најавите, мандатар ќе биде Здравко Кривокапиќ.

Во својот впечатлив говор пред пратениците, Абазовиќ се осврна и на неодамнешната средба на лидерите на победничките коалиции со митрополитот на СПЦ Амфилохије, одржана во манастирот Острог, порачувајќи дека со задоволство бил таму, затоа што и манастирот, и црквите и џамиите ги чувствува како свои.

„И манастирот Острог и катедралата Свети Трифун и Хусеин-пашината џамија се мои места. Бев да разговарам со луѓето во Острог. Можеби вие сте навикнале да се договарате во „Сплендид, „Хилтон“ или во „Рамада,“ да си носите кеси едни на други или да бидете поткупени. Јас тоа не сум го правел и никогаш нема да го правам,“ рече Абазовиќ, обраќајќи им се на пратениците на досегашната владејачкат партија ДПС на Мило Ѓукановиќ.

Би можело да ве интересира

Абазовиќ: Очекувам новата црногорска влада да биде формирана до осми ноември

А1он

Црногорски медиуми: Амфилохије се лечи со ремдесивир, лекот не е достапен за останатите заразени

Ана Ололовска

Црна Гора: Се затвораат угостителски објекти во уште пет градови

Ана Ололовска

„Вијести“: Црна Гора може да добие до 500 милиони евра од ЕУ

Ана Ололовска

Здравко Кривокапиќ: Корупцијата во Црна Гора изеде неколку клиники за инфективни болести

Ана Ололовска

Абазовиќ: Јас немам полициска заштита, но сум под нивен надзор

А1он