Верниците од православна вероисповед во Албанија, Хрстовото воскресение го дочекаа во своите домови.
Поради полицискиот час, од 22 до 6 часот, верниците синоќа не ги посетија божјите храмови. Во ниту една црква во земјата на полноќ немаше богослужба на која по традиција се објавува Хрстовото воскресение.
Затоа, пак, Централната богослужба за Света и Велика Пасха, која вообичаено се одржува на полноќ во црквата „Христово воскресение “ во Тирана, како и во сите други цркви, се одржа денеска наутро.
Богослужба денеска имаше и во црквата „Свети Архангел Михаил“ во Пустец, која ја одржа отец Алексо Темелко со строго почитување на мерките за заштита.
Велигденска атмосфера се чувствува во сите делови на земјата, а на плоштадот „Скендербег“ во центарот на Тирана поставени се големи велигденски јајца во разни бои.
Честитки по повод Велигден до поглаварот на албанската афтокефална православна црква Анастас Јанулатос и до сите верници упати државниот врв, лидери на полтички партии, како и македонското друштво „Илинден“.