Вархеји: Европа потфрли во Сребреница, се соочуваме со нашиот срам

Од:

Еврокомесарот за проширување се обрати пред Европскиот парламент на комеморацијата на 25-годишнината од геноцидот во Сребреница, нарекувајќи ја ‘отворената рана’ на Европа, јави дописничката на МИА од Брисел.

Вархеји потсети дека два меѓународни судови го квалификуваа масакрот на осум илјади мажи од страна на српските босански воени сили геноцид и увери дека Европа не ги заборава ниту жртвите, ниту нивните семејства.

-Европа потфрли во Сребреница и сега се соочуваме со нашиот срам. Геноцидот останува отворена рана во срцето на Европа и продолжува да нѐ прогонува, продолжува да нѐ потсетува на нашата заедничка одговорност, наша обврска е да се сеќаваме на Сребреница за секогаш, наша должност исто така е да се осигуриме дека ќе биде донесена правда, рече еврокомесарот за проширување.

Сега е поитно од било кого одговорните за воени злосторства во Сребреница да се соочат со последиците на нивните дела, додаде Вархеји во име на Европската комисија и предупреди дека секаков историски ревизионизам е неприфатлив.

За ЕК, помирувањето во регионот на западниот Балкан мора да биде приоритетен, и реториката на омраза е неприфатлива.

Би можело да ве интересира

Борел: Додека ја држи Сребреница во своето срце, ЕУ цврсто стои зад БиХ и Западен Балкан

Во Скопје се одбележува 11 Јули-Ден на сеќавање на геноцидот во Сребреница

Мишел: Геноцидот во Сребреница еден од најмрачните моменти во модерната европска историја

Австрискиот Парламент усвои Резолуција за геноцидот во Сребреница

Телата на уште 50 жртви на злосторствата во Сребреница следната недела ќе бидат погребани во Меморијалниот центар во Поточари

Холандската Влада им се извини на воените ветерани кои беа во Сребреница

Ана Ололовска