„Упатени се остри зборови, но не очекувам никакви последици“

Од:

Во изминатите неколку денови се слушнаа остри тонови во СПЦ по повод автокефалноста на Македонската православна црква.

Владиката бачки Иринеј оцени дека изјавата на епископот Лаврентиј – на Македонската православна црква треба да и се даде автокефалност, е крајно непромислена, несериозна и црквено-канонски неприфатлива.

Верскиот аналитичар Живица Туциќ за Радио Б92, изјави дека не е вообичаено вака да се разговара меѓу членовите на СПЦ, но дека не очекува последици.

„Упатени се преостри зборови. Точно е тоа што го вели епископот Иринеј, но афтокефалноста сега се добива многу потешко отколку што тоа беше случај порано и можеби епископот Лаврентиј не е запознаен со сите детали и донекаде изменетата процедура. Меѓутоа задача на СПЦ е сите епископи да ги запознава со развојот на настаните во целокупното православје“.

„Тоа е разлика во мислењето, не е разлика во доктрината на верата. Тоа е практично прашање, ако нешто се сака да се реши, ќе се реши, а ако не, тогаш засекогаш ќе остане некоја причина зошто не може“, вели Туциќ и додава дека најпрво треба да се реши прашањето за името на Македонија.

„Изгледа дека Американците вршат притисок на Атина, затоа што и Атина има остар став, а и Македонците не се доволно флексибилни. Јас за македонските медиуми говорев дека црквата треба да се вика Скопска архиепископија, тоа е толку убаво име, не мора да се вика Македонска. Не мора да има некоја национална придавка ако е тоа препреката. Треба да се биде практичен и реален“.

Би можело да ве интересира

Осветена првата македонска православна црква во Хрватска „Св. Злата Мегленска“

ПОА на Вранишковски ќе се интегрира во Синодот на Македонската православна Црква – СПЦ донесе одлука

Извештај на Стејт департмент за верските слободи во Северна Македонија

Почнува Соборот на СПЦ, теми Косово и македонското прашање

Ана Ололовска

Лидерите на петте верски заедници предлагаат повлекување на предлог-законите за матична евиденција и за родова еднаквост

Ана Ололовска

МПЦ го почна обединувањето со ПОА на Вранишковски, распределбата на епархиите ќе биде усогласена со српската црква