УНХЦР: Нема промена на турската политика кон сириските бегалци

Од:

Агенцијата на Обединети нации за бегалци (УНХЦР) денеска соопшти дека не е известена за промените на турската политика кон сириските бегалци, ниту добила извештаи дека луѓето тргнале кон Грција или други делови на Европа.

Портпаролот на УНХЦР Бабар Балох додаде и дека нема извештаи за видливо движење на мигрантите од Турција кон Грција или други делови на Европа.

Претходно, и ЕК соопшти дека Турција официјално не објави промена на својата политика кон бегалците.

ЕК истакна и дека очекува Анкара да ги почитува обврските што ги презема за контрола на протокот на мигранти во Европска Унија. Турција се обврза да стави крај на нередовните миграциски текови од Турција кон ЕУ и да обезбеди подобри услови за прием за бегалците во Турција.

Реакцијата од УНХЦР и од ЕК уследија откако неименуван извор од турската Влада изјави дека нема да ги задржува бегалците кои сакаат од Турција да одат во земјите од ЕУ. Се проценува дека во Турција има околу четири милиони бегалци од војната во Сирија.

Би можело да ве интересира

Чамец со околу 50 мигранти побарал помош во близина на Пелопонез

Ана Ололовска

Над 5.000 бегалци и мигранти сместени во новиот, привремен камп на Лезбос

Ана Ололовска

Десетици мигранти скокнале од спасувачки брод и се обиделе да пливаат до Палермо

А1он

Крај железничката пруга Гевгелија – Скопје во Велес, пронајдени 22 мигранти

Ана Ололовска

Грција: Ако не сакаат, мигрантите на Лезбос насила ќе бидат префрлени во новиот камп

А1он

Продолжуваат процедурите и интервјуата за азил во Лезбос

Ана Ололовска