Резултатите од излезната анкета на агенциите Галуп и Тренд, нарачана и платена од НОВА, покажуваат дека актуелниот претседател на Бугарија Румен Радев, кој е кандидат за втор мандат, добил поддршка од 65,7 отсто од гласачите. За неговиот политички противник – Анастас Герџиков, гласале 31,5 отсто од гласачите.
Опцијата „Не поддржувам никого” ја избрале 2,8 отсто од гласачите кои оствариле право на глас.
Ова беа четвртите избори во Бугарија во изминатите осум месеци, по трите парламентарни, и излезноста беше околу 30%.